Hvað valda símakjaftandi ökumenn mörgum alvarlegum slysum á ári ?

Hvað ætli að símanotkun ökumanna undir stýri valdi mörgum alvarlegum slysum á ári?

Ég held að mér sé óhætt að fullyrða að mér takist að forðast að lenda í slysi í hverjum mánuði en margir siðblindir ökumenn vita ekkert hvert þeir eru að fara og hafa enn síður hugmynd um hvað er að gerast í kringum þá svo uppteknir eru þeir í tilgangslausum símtölum.

Þá sem tala í síma má leggja að jöfnu við menn undir áhrifum áfengis og annarra fíkniefna dómgreindin og eftirtektarsemin er svipuð.

Það er lítið tekið á þessu hér á Íslandi ein skitin 5.000 kr sekt svo getur þú haldið áfram að tala í símann. 5.000 kr skipta símafíkilinn engu máli.

Guðlaugur Þór Þórðarson þingmaður beitti sér fyri því á síðasta ári að það mætti sekta fólk fyrir að henda rusli á víðavangi um allt að 100.000 kr. Enn eitt dæmið um brenglaða forgangsröðun þingmanna hér á landi. Ég held að Guðlaugi hefði verið nær að gleyma ruslinu og beita sér frekar fyrir því að bjarga mannslífum og hækka sektir á símafíkla upp í 100.000 kr.

Í eðli sínu er fólk fífl og það er alveg sama hvað er gert í forvörnum og fræðslu það dregur ekkert úr símanotkun ökumanna.Það eina sem gæti skilað árangri það væri að tæma budduna þeirra og bankareikninga.

Það skal tekið fram að þetta er skrifað í gremjukasti hálftíma eftir að einhver símakjaftandi kerlingarfjandi sveigði inn á akrein rétt fyrir framan mig í Ártúnsbrekkunni en hún virtist hvorki meðvituð um stund eða stað.


Illa skrifandi fréttaskrifari !

Sá sem skrifar þessa frétt ætti að finna sér annan starfsvettvang þvílíkt er bullið.

"Qantas vars stofnað árið 1920 og hefur frá árinu 1951 ekki orðið fyrir neinu banvænu slysi"

"en fyrir 1951 varð félagið fyrir 8 slysum"

Fólk verður fyrir slysum EKKI félög.

"Var stór hluti þess meðal annars"

Stór hluti hvers ? Sennilega átt að vera stór hluti þeirra EKKI stór hluti þess.

"Þau komu öll frá Indónesíu, Nepal eða Surinam"

Er fréttaskrifari ekki viss hvort þau komu frá Surinam ? Hér á að að sjálfsögðu að vera "og Surinam".

"Þrátt fyrir að 560 manns hafi látist í 16 slysum á árinu hjá farþegaflugfélögum þá var það lægri tala en meðaltal síðustu 10 ára"

Hér er sennilega átt við að færri hafi farist en að meðaltali síðustu 10 árin.

"3,6 milljarða farþega í 34 milljón flugum"

 

Fréttaskrifari þú ert "snillingur".  Ekki skrítð að þið skrifið ekki undir nafni á mbl.is


mbl.is Öruggustu flugfélögin 2015
Tilkynna um óviðeigandi tengingu við frétt

Fréttaritari óviti eða hálfviti ?

Ég ætla ekki að tjá mig efnislega um þessa frétt en hún er Morgublaðinu til háborinnar skammar. Fréttaskrifari er greinilega ekki hæfur til að skrifa einfaldan texta, bullið og vankunnáttan er þvílík að annað eins hefur ekki sést á mbl.is í nokkra daga. Þessa frétt á að endurskrifa af íslenskukunnandi manni.

Hér eru nokkur dæmi um ótrúlegt bull fréttaritara:

"Ég er enn að reyna að innbyrða þetta"

"yfirþyrmandi sigurstrangleg"

"eiga roð í meistarann"

"Þó var það talið ganga gegn Rousey"

"tímaspursmál hvenær hún héldi á grænni grund í Hollywood"

"Holly Holm lendir höggi Rousey"

 

Séu þessar tilvitnanir lesnar í samhengi í fréttinni ætti flestum að vera ljóst að viðkomandi aðili ætti að fá sér vinnu við eitthvað annað en skrif.


mbl.is Holly Holm sló út Rousey í 2. lotu
Tilkynna um óviðeigandi tengingu við frétt

Engar brauðgjafir á sumrin !

Það hefur verið marg ítrekað fyrir fólki að vera ekki að gefa brauð við Tjörnina á sumrin. Á þessum árstíma hafa endurnar nóg æti og þurfa ekki á brauði að halda.

Brauðgjafir eru eitt helsta aðdráttarafl og ástæðan fyrir veru mávanna við Tjörnina.

Guðmundur Stefán ef þér þykir vænt um endurnar og unga þeirra þá sleppir þú brauðgjöfum frá vori fram á haust !

 

     

 


mbl.is Æstir mávar stálu brauði
Tilkynna um óviðeigandi tengingu við frétt

Á skriðdrekum með fallbyssur undir örmunum ?????????

Það birtist hér varla sú frétt frá árásinni í gær og í morgun án þess að það sé minnst á að árásarmennirnir hafi verið þungvopnaðir. Þeir komu á vettvang í gær á fólksbíl ekki skriðdreka ég get heldur ekki séð neinar fallbyssur eða sprengivörpur sem að árásarmennirnir eiga greinilega að hafa verið með í eftirdragi.  Kalishnikov rifflar eru EKKI þungavopn.

Greindarlitlir fréttaskrifarar hér á ferðinni eins og oft áður.


mbl.is Lögreglukonan látin
Tilkynna um óviðeigandi tengingu við frétt

Ekki mikil hugsun hér á ferðinni hjá fréttaskrifara !

Getið þið hér á mbl.is ekki gert betur en þetta ?

"tekið konu af lífi sem myrti karlmann sem hún sakaði um að hafa reynt að nauðga henni"

Er ekki líklegra að hún hafi sakað manninn um að hafa reynt að nauðgað sér ?

"mistókst að fá samþykki nánustu ættingja hennar til að fresta aftökunni" 

Nú já vildu ættingjar hennar ekki fresta aftökunni ??????????????

Það eru ættingjar fórnarlambsins em geta farið fram á og jafnvel stöðvað aftökur í ýmsum löndum múslima.

Nær daglega eru svona skrif birt hér þar sem að hugsun fréttaskrifara er engin !


mbl.is Hengd í fangelsi í Teheran
Tilkynna um óviðeigandi tengingu við frétt

Hvaða helv. rugl er þetta ?

Fyrst í fréttinni er sagt að Aldís Hrönn muni gegna embætti i aðstoðarlögreglustjóra í fjarveru Harðar en síðar í sömu frétt kemur fram að Hörður muni áfram gegna embætti aðstoðarlögreglustjóra.
mbl.is Hörður samræmir störf lögreglunnar
Tilkynna um óviðeigandi tengingu við frétt

???????????????

Hvaða gáfumenni skrifaði þessa frétt ?? Fyrirsögnin er " Orlofsuppbót hækkar um 39.500 kr."  Svo nokkru neðar kemur fram að orlofsuppbótin hækkar úr 28.700kr í 39.500 sem eru 11.800 kr.
mbl.is Orlofsuppbót hækkar um 32.300
Tilkynna um óviðeigandi tengingu við frétt

Auðvirðilegur frambjóðandi,

Hér á mbl.bloggið í morgun setti Áslaug María Friðriksdóttir inn auglýsingu þar sem hún var að auglýsa kaffi nú seinnipartinn í dag fyrir stuðningsfólk sitt.  Ég setti þá athugasemd inn á þetta blogg hennar að ég mundi ekki styðja hana í prófkjörinu eftir skrif hennar um öryrkja og fátæka í Reykjavík og einnig fundust henni félagslegar bætur helst til háar. Þetta er meira en ofangreindur frambjóðandi hefur þolað og hefur nú þessi athugasemd mín verið fjarlægð fyrir það eitt að vitna í hennar eigin orð. LÁGKÚRULEGT !

Olíuflutningaskip ?

Hér átti sennilega að vera mynd af olíuflutningaskipi, ekki gámaflutningaskipi. En eins og fréttamennska vefmiðlana er orðin og myndbirtingar stundum þá þekkja margir blaðamenn sennilega ekki muninn á ranabjöllu og geit.

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband